秦假仙：便當、すし、三威治，彼三威治，你若是食無慣勢(sì)，猶有便當燒燙燙的便當，猶有簡便的すし，應有盡有唅(hannh)！猶有紅茶、苦茶、蓮藕茶，嘛有仙草茶，我攏有咧賣，恁若是腹肚枵(iau)抑是喙焦(tshuì-ta)，逐家就趕緊來買！
宇文天：秦假仙，速速離開，此地是戰場啊！
秦假仙：戰場？呵呵呵呵呵…笑死五百外人唅！遮叫作戰場喔？我看是超級市場抑是運動場。
宇文天：啥物？！
秦假仙：莫(mài)歹啦，莫歹啦！唅！你敢(kánn)會曉（ē-hiáng／註1）歹我這个秦假仙哪有較縒(khah-tsua̍h)？人彼素還真乎(honnh)！這馬(tsit-má)佇山頂咧啉茶耍(sńg)瓜子，曷(ia̍h)恁遮的癮頭(giàn-thâu)的，佇山跤咧曝日，猶閣咧啉西北風，呵呵！你若是有膽量乎，佮衝去入啊！衝去入啊！
宇文天：秦假仙你分明是欲找死！
秦假仙：呵呵呵呵呵…拍死我秦假仙哪有啥路用唅？欲拍死就這个素還真啦！素還真，猶佇通天柱頂，謼(hooh)！佮恁漏氣到真徹底啦！面子稍顧咧呢！俗語咧講：佛是爭一柱香，曷人是爭一口氣，唅！輸人毋輸陣，曷若輸陣就歹看面！如果啊，我秦假仙若換作你，我早就佮衝去入矣（ah／註2）！
宇文天：你是一个不智的人，所以才有這種的想法！
秦假仙：乎！你的意思是講你是仙覺，曷咧做代誌攏是深謀遠慮。
宇文天：然也！
秦假仙：呵！好啦好啦好啦，無愛佮你佇遮講，嗯！你若欲等乎，繼續佮等，等久就你的！
宇文天：無錯！
秦假仙：恁攏無愛乎？便當、すし、三威治呢唅！抑有紅茶、仙草茶、蓮藕茶，逐家攏無愛乎？彼無後悔的喔！
---
秦假仙：喂！
小兵：呃…
秦假仙：同志啊！
小兵：呃！
秦假仙：曷你規个目睭攏牽烏巡囉（lioh／註3），彼目睭攏反濁矣！我看…嗯，你真疲勞喔，你需要啉一罐…千百力，抑是"康貝特"，抑是"愛肝口服液"！
小兵：免啦…
秦假仙：免？哎喲，人何必逞強唅？彼人的身體就毋是機器（ke-khì／註4）的講，嘛毋是鐵拍的，準講鐵拍、機器的，彼嘛袂勘得三暝三日攏無睏呢！欸！我佮恁講啊，恁對這个霹靂門的忠心乎，安呢有夠矣啦！準講恁這馬倒落去去佮睏，相信恁的上司嘛袂佮恁責備，何況啊，有一句話你毋捌聽過尼？充分的休息，就是欲行較遠的路。
小兵：啊…啊…有理喔…有理…呃……
秦假仙：哇！昏去，嘻嘻嘻嘻嘻嘻嘻……
---
秦假仙：喲～謼！大姐頭仔，妳猶未睏？
女暴君：秦假仙，最好你馬上離開！
秦假仙：哎喲？曷我好心煞予雷唚(tsim)呢唅，我知影恁逐家攏真忝(thiám)，猶嘛真枵，我特別送這个補給品來呢！有すし、三威治，嘛有便當呢！謼！彼便當喔，安呢燒燙燙，一粒才五十箍！彼菜色偌讚的呢，你若毋相信乎，哼哼哼哼哼…我講予恁聽啦，彼菜色乎，有彼个煙腸，嘛有滷卵、雞腿、紅燒跤庫。
小兵：呃…女暴君，我看…嗯！哈…這个便當的菜色…嗯！袂䆀！便當一个才五十箍爾，猶有煙腸、滷卵、雞腿、猶閣有紅燒跤庫，好矣！我看呢，呃不如咱逐家歇睏一下，逐家便當食食咧乎，欲等繼續遮閣來等。
女暴君：啥物？如果再提起休息兩字，我就馬上將你處死！
秦假仙：毋食便當，抑無妳嘛予怹（in／註5）啉一厘仔涼水呢唅，曷天氣這呢熱，看是欲紅茶、仙草茶。
女暴君：住口！秦假仙，如果你再繼續擾亂我的軍心，那我就對你無客氣囉！
秦假仙：莫啦莫啦！好啦，哼…妳若欲等乎，繼續等，曷欲看了毋癮乎，我嘛是無反對，呵呵！
女暴君：來人！
小兵：呃…呃…
女暴君：眾人提起精神，繼續等吧！
小兵：好，遵命…遵命啊…！
--
萬教武尊：聞世先生，咱已經等偌久囉？
聞世先生：足足三暝三日。
萬教武尊：唅？三暝三日了嗎？嗯？為何咱三聖會的人，哪會減去這爾少？
聞世先生：武尊啊，真濟人已經擋袂牢，走去這个樹跤睏囉。
萬教武尊：啥物？不中用的東西，你馬上將遮个人叫起來！
聞世先生：遵命！遵命！
萬教武尊：素還真啊素還真，今日你叫我無眠，他日我就叫你無命！
註1：「會曉(ē-hiáu)」的異讀音，由於找不到更為適合的字作為區別，故維持原樣。
註2：--ah可以根據不同意思寫作「啊」或是「矣」，至於何時用哪個"ah"，就看那個"ah"在句子中是甚麼意思。
萌典：啊
萌典：矣
註3：可能為「囉」的異讀音，但教部字典未列出來，不過目前也未找到更為適合的字，因此就先用使用同意的「囉」。
萌典：囉
註4：教部辭典記載了機器的正確讀音為ki-khì，而ke-khì則列為異讀音，而根據PTT的TW-language板討論出來的結果，可能是語言交流中產生的語音變化。
教部辭典：機器
[語音] 機器 - 看板 TW-language - 批踢踢實業坊
註5：in在台灣閩南語中教育部所推薦的用字「
」，在一些環境中使用困難，於是便將原本的用字「」更改為教部辭典提及的異用字「怹」。教部辭典：in
沒有留言:
張貼留言